Sonymen qatar prezıdent Baıden bul málimdemeni bireýdi aıyptaý úshin emes, endi ol oqıǵa qaıtalanbasyn degen nıetpen aıtyp jatqanyn eskertti.
Túrkııa bolsa qandaı da bir qysym bolǵanyn, degenmen ony «genosıd» dep ataýǵa kelmeıtinin aıtty. Túrkııa syrtqy ister mınıstri Mevlýt Chavýshoǵly senbide Baıdenniń málimdemesine qatysty pikir bildirdi. Ol bul aıyppen Túrkııa esh kelispeıtinin, ony joqqa shyǵaratynyn habarlady.
«Qazir aıtylǵan sózder tarıhymyzdy qaıta jazyp bermeıdi. Biz ótkenimizden sabaq alatyndaı eshteńe istemedik. Saıası opportýnızm – ádilet pen beıbitshilikke jasalǵan eń úlken satqyndyq. Bar oılaǵany – popýlızm bolǵan málimdemeni tolyqtaı joqqa shyǵaramyz», dedi túrik mınıstri.
1981 jyly AQSh-tyń sol kezdegi prezıdenti Ronald Reıgan Holokostqa qatysty «Amerıkalyq genosıd» termınin qoldanǵan bolatyn. Degenmen, odan keıingi prezıdentter bul sózdi ataýdan bas tartyp, osy kezge deıin birde-bir oqıǵaǵa qatysty mundaı málimdeme jasamady. Tipti Donald Tramp ta bul oqıǵany «HH ǵasyrdaǵy jappaı qysym kórsetý» dep ataǵan-dy.
Baıdenniń málimdemesi Armenııa tarapyn qýantty. Premer-mınıstr Nıkol Pashınıan «AQSh adam quqyqtary men álemdik qundylyqtarǵa beıjaı qaramaıtynyn taǵy bir ret dáleldedi», dep jazdy áleýmettik jelidegi paraqshasynda.
